Brjóstagjafabókin fyrir foreldra og fagfólk

Brjóstagjafabókin er handbók fyrir foreldra, ömmur og afa, fagfólk og alla þá sem vilja styðja og valdefla konur í brjóstagjöf. Í bókinni má meðal annars finna upplýsingar um af hverju brjóstagjöf er mikilvæg heilsu móður og barns, hvernig best er að búa sig undir brjóstagjöf, hagnýt ráð fyrir fyrstu dagana og hvernig mjólkurframleiðslan virkar.

Höfundar bókarinnar hafa samanlagt margra áratugareynslu af því að fræða og styðja konur í brjóstagjöf en þær eru allar ljósmæður og IBCLC brjóstagjafaráðgjafar.

Brjóstagjafabókin er skyldueign fyrir alla foreldra sem stefna á að hafa barn sitt á brjósti en að undirbúa sig fyrir brjóstagjöf, að foreldrar séu meðvitaðir um raunhæfar væntingar til barnsins og þekki helstu áskoranir í brjóstagjöf, hefur sterkt forspárgildi fyrir velgengni í brjóstagjöf.