Stuðlum að betri framtíð fyrir konur og fjölskyldur. Líf styrktarfélag kvennadeildar Landspítala hefur stutt duglega við bakið á spítalanum allt frá stofnun félagsins árið 2009, en hátt í 300 milljónum króna hefur verið varið í umbætur og tækjakaup sem snerta bæði skjólstæðinga og starfsfólk. Líf hefur þann tilgang að bæta aðbúnað og þjónustu við konur og fjölskyldur þeirra á meðgöngu, í fæðingu og sængurlegu sem og kvenna sem þurfa umönnun vegna kvensjúkdóma. Líf er mannúðarfélag og stofnað með langtímaverkefni í huga. Félagið aflar fjár með félagsgjöldum, margvíslegum fjáröflunum og styrktarsamstarfi.